నీ అందం

నీ అందం తడిసిన తెల్ల గులాబీల వాన
నీ చూపే గరిక రేకుల అంచు
నీ నవ్వే విరిసిన గోరింట పువ్వులె
నీ తోడుంటే పూదోటే ఈ జీవితం
 
నీకు తెలుసు ఆ పని చేస్తే
నేను ఏమౌతానో
నీకు తెలుసు ఆ పని చేస్తే
నేను ఏమౌతానో
తెలిసే చెప్పావు
నీ కోసమే చేశాను
తెలిసే నువు చెప్పావు
నీ కోసమే చేశాను
కరిగిపోయనులే
ఆ పాపం నీ ప్రేమలో                               ||నీ అందం||
 
నా తోటంత రేగు పొదలు
నా చేతులు ఎండిన తాటి రేకులు
నా కళ్ళు గట్టుదాటిన కోనేళ్ళు
నా కళ్ళు గట్టుదాటిన కోనేళ్ళు
నీ పాదాలు చేరేందుకె పరవళ్ళూ              
నీ పాదాలు చేరేందుకె పరవళ్ళూ            ||నీ అందం|| 

 
నా నోటి నుండి రాలు ఈ మందారాలు
నా ఒళ్ళంత విరబూసె మోదుగ పూలు
ఎరుపెక్కినీ కాగితం పూలూ
ఎరుపెక్కినీ కాగితం పూలూ
ఇవె నీ కోసం నే నివ్వ గలిగే పూలూ
ఇవె నీ కోసం నే నివ్వ గలిగే పూలు                      ||నీ అందం||

Explore posts in the same categories: నా కవితలు/పాటలు

ట్యాగులు: కాగితం పూలు, గరిక రేకులు, గులాబీ, గోరింట పువ్వు, పూలు, మందారాలు, మోదుగ పూలు

You can comment below, or link to this permanent URL from your own site.